Կոփում. Սալուտեմ ամսագիր №3

Կոփման ընդհանուր կանոնն ամեն օր սխրանք գործելն է։ Եթե սովորել եք երկար ժամանակ կիրառվող որևէ մեթոդի, ժամանակն է ընդլայնել հնարավորությունների հորիզոնները։

Ե՞րբ է կոփվելու ճիշտ ժամանակը

Միշտ։ Միշտ, եթե չեք ջերմում, սուր ռեսպիրատոր հիվանդությունների ախտանշաններ չկան։ Քրոնիկ հիվանդությունները, այդ թվում` բրոնխիտները, հայմորիտները, ադենոիդիտները, ռինիտները, տոնզիլիտները, օրգանիզմի կոփման համար ոչ թե հակացուցում են, այլ՝ ցուցում։ Հենց ջերմությունն իջնում է մինչև նորմայի սահմանները, կոփումը պետք է շարունակել, եթե նախքան այդ գործընթացն սկսված էր։ Պարտադիր չէ հենց սկզբից շատ սառը ջուր օգտագործել։ Ամեն ինչ պետք է խելացի ձևով անել։

Ստորջրյա քարեր

Պաշտոնապես համարվում է, որ սառը ջրով կոփումը ցուցված չէ քրոնիկ հիվանդությունների սրացման շրջանում, իսկ դա նշանակում է, որ կիրառվում է միայն ռեմիսիայի շրջանում։ Ուստի խորհրդակցեք բժշկի հետ։ Եթե շարունակում եք էպիզոդիկ հիվանդանալ, չնայած սկսել եք կոփվել, մի ընդհատեք։ Կոփումը ակնթարթային պանացեա չէ, այլ Մարմնի և Հոգու աստիճանական վերափոխման մեթոդ։ Ամեն ինչ՝ իր ժամանակին։

Տեսական հիմունքներ

Իմունիտետը յուրօրինակ զինվորական կազմակերպություն է։ Կան հստակ կառուցվածքային ստորաբաժանումներ` սահմանագծված իրավունքներով և պարտականություններով, որոնք հիերարխիայի սկզբունքով ենթարկվում են գլխուղեղին։ Իմունիտետը պետք է մարզել, որի գլխավոր գործոնը կամքն է։ Մարզելով կամքն՝ արարքներով և մտովի, ուժեղացնում ենք իմունիտետի մարտունակությունը։ Գոյություն ունեն կամքի մարզման տարբեր մեթոդներ՝ արևի, օդի, ջրի, տաքի և սառի, ֆիզիկական վարժությունների և խիստ ինքնակարգապահության միջոցով։ Կիրառեք ամեն ինչ, սակայն սկսեք ամենապարզից։

Առաջին (և գլխավոր) մեթոդ

Լվացվելը միայն հիգիենիկ միջոցառում չէ։ Ճիշտ կիրառման դեպքում այն նաև մարզական գործոն է. լվացվեք սառը ջրով։ Լվացվելու ամբողջ ընթացքում բերանի մեջ պետք է մի կում սառը ջուր պահել։ Աչքերը ցողել սառը ջրով՝ պարբերաբար ծորակից սառը ջրի նորանոր բաժիններ վերցնելով։ Ձգտել, որ ջուրն ընկնի բաց աչքերի մեջ, ամբողջ դեմքի վրա, հատկապես ճակատին՝ կրկնողաբար։ Հենց բերանի ջուրը տաքանա մինչև մարմնի ջերմաստիճանի, լվացվելը ավարտեք, բերանի ջուրը դատարկեք և դեմքն արագ շփեք սըրբիչով (ցանկալի է՝ խավոտ)։

Երկրորդ մեթոդ (ոչ պակաս կարևոր)

Ո՛չ միայն ոտքերը, այլև ամբողջ մարմինը կառողջանա ծնկների ճիշտ և կանոնավոր ցողման դեպքում։ Պետք է երեկոյան՝ լոգանքից կամ ցընցուղից հետո սափորի մեջ լցնել սառը ջուր և ցողել ծնկները (ոչ թե սրունքները և ոտնաթաթերը)։ Առավոտյան նույնպես ցանկալի է նման կերպ ցողել։ Ըստ ինքնազգացողության՝ պետք է ջուրն ավելի սառեցնել, այնուհետև արագ շփել սրբիչով։

Երրորդ մեթոդ («ելքային» տարբերակ)

Առավոտյան ցնցուղ ընդունելուց հետո մարմինը մի սրբեք։ Մարմնի վրայից ջրի կաթիլները թափ տվեք ձեռքերով, հագեք մարզահագուստը և զբաղվեք մարմնամարզությամբ։

Չորրորդ մեթոդ («մշտական»)

Սովորություն դարձրեք լոգանքից հետո չսըր-բվել։ Թեթևակի չորացրեք մարմինը, և չափավոր ինտենսիվությամբ շփեք հետևյալ հաջորդականությամբ՝ ձախ ձեռք, աջ ոտք, աջ ձեռք, ձախ ոտք, կուրծք (բացառությամբ պտուկների), մեջք, որովայն, խաչաձև՝ ծայրամասից դեպի կենտրոն։ Խելացի կիրառման դեպքում այս մեթոդը հրաշալի կազդուրիչ արդյունք է տալիս։

Հինգերորդ եղանակ («ընդհանուր ցողում»)

Ցողվեք սառը ջրով։ Ցանկալի է ջուրը լցնել նաև գլխին։ Լցրեք ինչով պատահի՝ շերեփով, բաժակով, սափորով, տաշտակով, կաթսայով, ցընցուղով, դույլով։ Կարևորը՝ ցողվեք հաճույքով՝ գիտակցելով, որ սխրանք եք գործում։ Եվ եթե փոխեք կենսակերպը՝ ամեն օր սխրանք գործելով, ապա սխրանքն էլ կփոխի Ձեր կյանքը։

https://www.moy-doktor.org

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
[email protected]
+(374) 91 64 10 15
+(374) 98 79 15 15

Հարցեր, պատասխաններ, մեկնաբանություններ